La 14-a de junio 2018 estas la 50-a datreveno de la morto de la itala (sicilia)poeto kaj tradukisto Salvatore Quasimodo (1901-1968)

eo.wikipedia.org/wiki/Salvatore_Quasimodo

Nobelpremiito por Literaturo en 1959.

​Multnombraj liaj poeziaĵoj estis tradukitaj al Esperanto (kelkaj eĉ plurfoje); mi listigas ilin fine de la artikolo.

Mi sendas, pri la vivpriskribaj notoj, al:

– la paĝoj de Vikipedio;

– la paĝoj 157-158 de la libro “Enlumas min senlimo”, La-Chaux-de-Fonds, LF-KOOP, 1990 (kiu ĉe p. 158 prezentas ankaŭ portreton de la poeto, verkon de Gian Luigi Gimelli);

– la libro de Carlo Minnaja “Un secolo di traduzioni letterarie dall’italiano in Esperanto (1890-1990), 2005 (p. 44, 58, 67, 72).

​Mi transskribas la poeziaĵon “Alle fronde dei salici” (inspiritan al la komenco de Psalmo 136/ 137, kiun mi same transskribas), en la itala kaj en la 5 (kvin!) versioj ekzistantaj en Esperanto, respektive de Luigi Minnaja, Gaudenzio Pisoni, Umberto Broccatelli, Mauro Nervi, Baldur Ragnarsson.

Mi aldonas la italan poŝtmarkon de 2001 pro la unuajarcenta datreveno de la naskiĝo de Quasimodo.

---

Salmo 137 (136):

Lungo i fiumi di Babilonia,

là sedevamo e piangevamo ricordandoci di Sion.

Ai salici di quella terra

appendemmo le nostre cetre,

perché là ci chiedevano parole di canto

coloro che ci avevano deportato,

allegre canzoni, i nostri oppressori:

«Cantateci canti di Sion!».

Come cantare i canti del Signore

in terra straniera?

 

***

 

Psalmo 137 (136):

Apud la riveroj de Babel

ni sidis kaj ploris,

rememorante Cionon.

Sur la salikoj tie

ni pendigis niajn harpojn.

Ĉar tie niaj kaptintoj postulis de ni kantojn,

kaj niaj mokantoj ĝojon, dirante:

Kantu al ni el la kantoj de Cion.

Kiel ni kantos sur fremda tero

la kanton de la Eternulo?

 

*****

 

ALLE  FRONDE  DEI  SALICI

 

E come potevamo noi cantare

con il piede straniero sopra il cuore,

fra i morti abbandonati nelle piazze

sull’erba dura di ghiaccio, al lamento

d’agnello dei fanciulli, all’urlo nero

della madre che andava incontro al figlio

crocifisso sul palo del telegrafo?

Alle fronde dei salici, per voto,

anche le nostre cetre erano appese,

oscillavano lievi al triste vento.

 

Salvatore Quasimodo

 

 

ĈE LA BRANĈOJ DE L’ SALIKOJ

 

Kaj kiel tiam povis ni kantadi

kun la piedo fremda sur la koro

inter mortintoj kuŝaj sur la placoj

sur glaci-dura herbo, je lamento

ŝafida de la knaboj, je la hurlo

nigra de la patrin’ kuranta al filo

sur masto telegrafa krucumita?

Ĉe l’ branĉoj de l’ salikoj, kiel voto,

mute pendadis ankaŭ citroj niaj,

kaj balanciĝis je la trista vento.

 

Salvatore Quasimodo, trad. Luigi Minnaja

(“Radio Roma – Esperanto” 3.11.1959;

“Pirandello kaj aliaj siciliaj aŭtoroj”, 2012, p. 234)

 

 

SUR LA SALIKAJN BRANĈOJN

 

Kaj kiel daŭre povis ni kantadi

kun fremda pied-premo sur la koro,

kuŝante la mortintoj en la placoj

sur herbo frost-rigida ĉe l’ lamento

ŝafida de la knaboj, ĉe la krio

de la patrino priserĉanta filon

sur fosto telegrafa krucumita?

Sur la salikajn branĉojn, kiel voto,

kroĉitaj estis ankaŭ niaj liroj

svingantaj milde laŭ la trista vento.

 

Salvatore Quasimodo, trad. Gaudenzio Pisoni

(“Literatura foiro” 1971-2)

 

 

ĈE LA BRANĈOJ SALIKAJ

 

Sed kiel povis ni ankoraŭ kanti

kun piedo fremdula sur la koro,

dum la mortintoj kuŝis sur la placoj

sur herbo froste dura, dum lamentis

ŝafide la infanoj, dum patrino

nigre kriegis alirante filon

krucumitan sur telegrafpaliso?

Ĉe la branĉoj salikaj ankaŭ citroj

niaj vote pendiĝis kaj malpeze

balanciĝadis ĉe la vent’ malĝoja.

 

Salvatore Quasimodo, trad. Umberto Broccatelli

(“Heroldo de esperanto”1981-7)

 

 

SUR  SALIKAJ  BRANĈAROJ

 

Sed kian kanton povis ni moduli

kun fremdula kalkan’ sur nia koro,

ĉe l’ kadavroj forlasitaj en la placoj,

sur dura herb’ glacia, ĉe la plendo

ŝafida de la knab’, ĉe l’ nigra krio

de la patrin’ kuranta al la filo

krucumita sur stango telegrafa?

Sur salikaj branĉaroj, votpromese,

ankaŭ la lirojn niajn ni pendigis,

ĉe l’ morna vento ili balanciĝis.

 

Salvatore Quasimodo, trad. Mauro Nervi

(“Enlumas min senlimo” 1990, p. 163)

 

 

SUR LA BRANĈOJ DE L’ SALIKOJ

 

Kaj kiel ni estus povintaj kanti

kun la piedo de fremdulo sur nia koro,

inter la mortaj forlasitaj sur la placoj

sur la herbo dura de glacio, pri lamento

ŝafida de l’ infanoj, pri la nigra hurlo

de la patrino kiu iris por renkonti sian filon

krucumitan sur la telegrafa fosto?

Sur la branĉoj de l’ salikoj, laŭ nia voto,

ankaŭ niaj liroj estis pendigitaj,

leĝere ili svingiĝas en la trista vento.

 

Salvatore Quasimodo, trad. Baldur Ragnarsson

 

 

**********

 

Poesie di Salvatore Quasimodo tradotte in Esperanto

Poeziaĵoj de Salvatore Quasimodo tradukitaj al Esperanto

 

AMEN PER LA DOMENICA IN ALBIS

AMEN POR LA BLANKA DIMANĈO, trad. Luigi Minnaja (“Radio Roma – Esperanto” 3.11.1959; “Enlumas min senlimo” 1990, p. 160)

 

ELEGIA

ELEGIO, trad. Luigi Minnaja (“Radio Roma – Esperanto” 3.11.1959; “Enlumas min senlimo” 1990, p. 166)

 

GIORNO DOPO GIORNO

TAGON POST TAGO, trad. Luigi Minnaja (“Radio Roma – Esperanto” 3.11.1959; “Enlumas min senlimo” 1990, p. 164)

 

MILANO, AGOSTO 1943

MILANO, AŬGUSTO 1943, trad. Luigi Minnaja (“Radio Roma – Esperanto” 3.11.1959; “Pirandello kaj aliaj siciliaj aŭtoroj”, 2012, p. 234)

MILANO, AŬGUSTO 1943, trad. Gaudenzio Pisoni (“Literatura foiro” 1971-2;“Enlumas min senlimo” 1990, p. 165)

 

LETTERA ALLA MADRE

LETERO AL LA PATRINO, trad. Luigi Minnaja (“Radio Roma – Esperanto” 3.11.1959; “Pirandello kaj aliaj siciliaj aŭtoroj”, 2012, p. 235-236)

 

IL MIO PAESE È L’ITALIA

MIA LANDO ESTAS ITALUJO, trad. Luigi Minnaja (“Radio Roma – Esperanto” 3.11.1959; “Pirandello kaj aliaj siciliaj aŭtoroj”, 2012, p. 235)

 

UOMO DEL MIO TEMPO

HOMO DE MIA TEMPO, trad. Luigi Minnaja (“Radio Roma – Esperanto” 3.11.1959; “Enlumas min senlimo” 1990, p. 167)

HOMO DE MIA TEMPO, trad. Baldur Ragnarsson

 

ALLE FRONDE DEI SALICI

ĈE LA BRANĈOJ DE L’ SALIKOJ, trad. Luigi Minnaja (“Radio Roma – Esperanto” 3.11.1959; “Pirandello kaj aliaj siciliaj aŭtoroj”, 2012, p. 234)

SUR LA SALIKAJN BRANĈOJN, trad. Gaudenzio Pisoni (“Literatura foiro” 1971-2)

ĈE LA BRANĈOJ SALIKAJ, trad. Umberto Broccatelli (“Heroldo de esperanto” 1981-7)

SUR SALIKAJ BRANĈAROJ, trad. Mauro Nervi (“Enlumas min senlimo” 1990, p. 163)

SUR LA BRANĈOJ DE L’ SALIKOJ, trad. Baldur Ragnarsson

 

RIFUGIO D’UCCELLI NOTTURNI

RIFUĜO DE BIRDOJ DUMNOKTAJ, trad. Gaudenzio Pisoni (“Literatura foiro” 1971-2; “Enlumas min senlimo” 1990, p. 159)

 

ED È SUBITO SERA

KAJ ESTAS TUJ VESPERE, trad. Gaudenzio Pisoni (“Literatura foiro” 1971-2)

KAJ TUJ ESTAS VESPERE, trad. Aldo de’ Giorgi, Fonto

KAJ SUBITAS VESPERO, trad. Giorgio Silfer (“Enlumas min senlimo” 1990, p. 161)

 

ALLA NUOVA LUNA

AL LA NOVA LUNO, trad. Gaudenzio Pisoni (“Espero katolika” 8/1978)

www.esperokatolika.org/ek19761980/ek1978_08.htm#6

 

LAUDE (29 aprile 1945)

LAŬDO (29an de aprilo 1945), trad. Mauro Nervi (“Enlumas min senlimo” 1990, p. 169)

LAŬDO, trad. Baldur Ragnarsson

 

ORA CHE SALE IL GIORNO

NUN ĈE L’ LEVIĜO TAGA, trad. Gaudenzio Pisoni (“Enlumas min senlimo” 1990, p. 162)

 

I SOLDATI PIANGONO DI NOTTE

LA SOLDATOJ PLORAS DUM LA NOKTO, trad. Gaudenzio Pisoni (“Enlumas min senlimo” 1990, p. 170)

 

QUASI UN MADRIGALE

KVAZAŬ MADRIGALO, trad. Gaudenzio Pisoni (“Literatura foiro” 1971-2; “Enlumas min senlimo” 1990, p. 168)

 

RIDE LA GAZZA, NERA SUGLI ARANCI

RIDAS LA PIGO, NIGRA SUR LA ORANĜUJOJ, trad. Baldur Ragnarsson

 

VISIBILE, INVISIBILE

VIDEBLA, NEVIDEBLA, trad. Baldur Ragnarsson

 

LA TERRA IMPAREGGIABILE

LA SENKOMPARA LANDO, trad. Baldur Ragnarsson

 

GIÀ LA PIOGGIA È CON NOI

JAM ESTAS KUN NI LA PLUVO, trad. Baldur Ragnarsson

 

COLORE DI PIOGGIA E DI FERRO

KOLOROJ DE PLUVO KAJ DE FERO, trad. Baldur Ragnarsson

 

VENTO A TINDARI

VENTO EN TINDARI, trad. Carlo Minnaja (“Pirandello kaj aliaj siciliaj aŭtoroj”, 2012, p. 233-234)

 

ANTICO INVERNO

ANTIKVA VINTRO, trad. Carlo Minnaja (“Pirandello kaj aliaj siciliaj aŭtoroj”, 2012, p. 235)

 

VICINO A UNA TORRE SARACENA, PER IL FRATELLO MORTO

APUD TURO SARACENA, POR LA FRATO MORTINTA, trad. Carlo Minnaja(“Pirandello kaj aliaj siciliaj aŭtoroj”, 2012, p. 237)

 

Traduzioni in Esperanto da Quasimodo furono fatte anche dal poeta cinese Armand Su, ma sono andate perdute:

Tradukoj al Esperanto el Quasimodo estis faritaj ankaŭ de la ĉina poeto Armand Su, sed ili perdiĝis:

www.bitoteko.it/esperanto-vivo/2017/09/23/armand-su/

www.bitoteko.it/esperanto-vivo/eo/2017/09/23/armand-su/